O portal institucional Dominios.es informa da evolución dos dominios “.es” asignados baixo o código España e xestionados pola entidade pública Red.es
A finais do ano 2013 acadáronse 1.696.538 de rexistros “.es”, un 5,1% máis que o ano anterior, a pesar do descenso global noutros dominios agás o “.cat”.
No conxunto do Estado existen 3.474.272 dominios web rexistrados, dos cales preto do 50% corresponden aos “.es”.
En Galicia existen 75.176 rexistros “.es”, o que supón o 5,16% dos existentes no Estado e uns 2.600 rexistros máis que no primeiro semestre de 2013.
Coa aprobación do dominio “.gal” e doutros dominios territoriais anunciados pola ICANN amplíase a oferta dispoñible para os usuarios e as empresas de Galicia. Neste ano 2014, comezaranse a rexistrar previsiblemente os primeiros “.gal”, o que permitirá complementar a oferta de dominios a nivel estatal e internacional.
Pode consultarse toda a información sobre o dominio “.gal” na seguinte ligazón: http://www.puntogal.org/
