A Asociación para a Investigación dos Medios de Comunicación (AIMC) presentou no mes de maio os resultados do estudo titulado “La Radio: Tradicional vs Online”. O estudo analiza os comportamentos, actitudes e preferencias dos sistemas de distribución de contidos radiofónicos, comparando o uso actual da radio tradicional e a radio online.
AIMC destaca o incremento do consumo da radio a través da Internet, afirmando que un 47,2% dos enquisados que fan uso da Rede a radio online nos últimos 30 días. O 15% accede no mesmo día aos dous sistemas radiofónicos, se ben o uso da radio tradicional segue a ser maioritario.
O dispositivo máis utilizado para escoitar a radio na Internet é o ordenador portátil (no 43,2% dos casos), seguido do ordenador de sobremesa (31,0%) e o teléfono móbil (17,9%).
AIMC afirma que o uso da radio online favorece e multiplica a oferta radiofónica, tanto no relativo a un maior número de canles, como ás facilidades de escoita e á variedade de contidos. Neste senso, preto dun 80% dos oíntes da radio na Internet manifesta que escoitou no último mes unha emisora exclusiva na Rede.
Ligazón ao informe
