A banda larga fixa medrou un 5,2% no último ano, até os 11,1 millóns de liñas en España. No mesmo período, as liñas de banda larga móbil ascenden até 16,07 millóns, un incremento do 33% respecto de finais de 2010. Desta forma, a ratio de liñas por habitante de banda larga móbil supera ao de banda larga fixa, cun total de 34,8 liñas fronte a 23,6 liñas.
O informe indica que en setembro de 2011 un total de 12,45 millóns de móbiles conectaron de forma activa, un 43% máis que no principio do ano. Aínda que o computador persoal segue a ser o dispositivo de acceso fundamental (98,8% dos internautas), o teléfono móbil irrompeu con forza, dado que un 26,1% de internautas utilizan os seus terminais para conectarse á Rede.
España é, xunto ao Reino Unido, o primeiro estado europeo no uso de 'smartphones'. En concreto, o 46,3% dos móbiles no conxunto do Estado español son xa teléfonos intelixentes.
Informe “La Sociedad de la Información en España 2011”
