O Observatorio Nacional de las Telecomunicaciones y de la Sociedad de la Información (ONTSI) publica un informe sobre o Sector das Tecnoloxías da Información, as Comunicacións e os Contidos no conxunto do Estado nos anos 2011 e 2012.
As empresas TIC e dos contidos analizadas polo ONTSI reduciron un 8,7% o seu volume de facturación interanual, que no ano 2012 acadou os 91.970 millóns de euros. Por separado, o sector TIC experimentou un retroceso na facturación inferior ao dos contidos, cun descenso do 8,5% e o 9,9% cada un en relación ao ano 2011.
As exportacións de produtos TIC acadaron os 10.013 millóns de euros en 2012, un 1% inferior ao exercicio anterior. Os servizos informáticos e as telecomunicacións son os produtos con maior demanda nos mercados exteriores, cun 56,8% e un 15,3% do volume total de exportacións.
Mapa: Distribución das empresas do sector TIC e dos contidos por Comunidades Autónomas. Ano 2011 (%/total)
No ámbito estatal, Galicia sitúase entre as cinco primeiras Comunidades Autónomas con maior volume de empresas TIC e dos contidos, cun 5% do total nos dous sectores. Madrid e Cataluña concentran máis da metade das empresas no conxunto do Estado, co 32% e o 23% respectivamente no ano 2011.
Pode consultarse o informe completo dos anos 2011 e 2012 na seguinte ligazón:
http://www.ontsi.red.es/ontsi/es/estudios-informes/informe-del-sector-tic-y-los-contenidos-en-espa%C3%B1-2012-edici%C3%B3n-2013
