O informe elaborado polo CENATIC, a partir dos datos facilitados pola Enquisa sobre Innovación nas Empresas do INE, mostra que en Galicia un 13,6% das empresas realizaron actividades para a innovación tecnolóxica durante o ano 2010.
CENATIC informa que, entre as empresas de innovación tecnolóxica de Galicia, un 7,7% realizou actividades de I+D con software libre, logrando así a terceira posición do ranking estatal en termos relativos, por detrás da Comunidade de Madrid e as Illas Canarias. A I+D baseada en software libre no conxunto do Estato supón o 6,7% das empresas que realizaron actividades para a innovación tecnolóxica no 2010, o que sitúa a Galicia un 1% por riba da media estatal neste indicador.
Segundo CENATIC, Galicia conta con 184 empresas que realizaron actividades innovadoras con software libre no 2010, o que supón o 5,46% do conxunto do Estado. Entre elas, 104 empresas realizaron actividades de I+D, aportando o 6,24% ao conxunto estatal.
CENATIC: http://observatorio.cenatic.es/
Ligazón ao informe (véxanse as páxinas 10 a 21):
