O Instituto Nacional de Tecnoloxías da Comunicación (INTECO) presenta os principais resultados do “Estudo sobre a seguridade da información e a e-confianza nos fogares españois”, correspondente á 17ª Oleada no ano 2011.
INTECO estima que os programas antivirus e o firewall son as ferramentas de seguridade máis utilizadas nos fogares como medidas automatizables, cun 91,6% e 76,7% respectivamente. Como medidas non automatizables destaca o uso de contrasinais (78,5%) e a eliminación de arquivos temporais e/ou cookies (74,5%).
A análise dos arquivos adxuntos realízase polo 77,5% dos usuarios de Internet e o correo electrónico no fogar. A recepción de spam é o incidente máis habitual manifestado polos enquisados (68%).
No tocante á e-confianza, en torno a un 50% dos usuarios considera que Internet é cada día máis seguro, que hai menos problemas de seguridade e que os existentes son menos graves.
