Data
19/02/2014
A Comisión prevé un forte incremento do volume de negocio e do emprego no desenvolvemento de aplicacións móbiles. Estímase que no ano 2018 a creación de novas empresas “startups” e de “apps” poden inxectar uns 63.000 millóns de euros na economía europea, máis do triplo do volume actual.
O denominado “app boom” pode ocupar uns 4,8 millóns de persoas no ano 2018, fronte aos 1,8 actuais na economía europea, mais só un 9% dos programadores de aplicacións móbiles son mulleres. O fomento desta actividade laboral entre a mocidade, a participación das mulleres nas ensinanzas técnicas e a súa posterior incorporación ao mercado laboral considéranse elementos estratéxicos para lograr este obxectivo.
