O Observatorio Nacional del Software de Fuentes Abiertas - CENATIC achega os resultados correspondentes ao ano 2011 sobre o uso de software de código aberto nas microempresas españolas.
En Galicia, un 45,5% das empresas enquisadas recoñece que utilizou algunha tipoloxía de software de código aberto durante o ano 2011. As ferramentas informáticas máis utilizadas polas microempresas galegas foron os navegadores de Internet (36%) e as aplicacións ofimáticas (29,8%), como é o caso de Mozilla Firefox e Open Office respectivamente. Esta preferencia tamén se observa noutras Comunidades Autónomas e nos diferentes sectores de actividade, especialmente no sector TIC.
No conxunto do Estado rexistrouse un incremento interanual de 5,4 puntos, pasando do 51,4% de 2011 ao 56,8% de 2012. Este feito confirma o interese das microempresas españolas polo uso do software libre, especialmente aquelas pertencentes ao sector TIC. Un 82,5% das empresas TIC españolas con menos de 10 empregados recoñeceron utilizar software libre durante o ano 2011, seguidas das empresas do sector servizos (53,1%), da construción (46,9%) e da industria (48,1%).
Pode consultarse a serie de datos completa na seguinte ligazón
