A reserva de viaxes e aloxamento a través de Internet afiánzanse como os produtos máis demandados no comercio electrónico, segundo informaba recentemente o ONTSI no estudo anual sobre B2C.
A Asociación de Internautas destaca agora que no sector turístico están a producirse cambios importantes na preferencia polas reservas en liña. Se ben o 63% dos internautas realiza a compra de voos ou viaxes a través da Rede, só un 11% confía en intermediarios para reservar billetes aéreos.
O estudo de compras online afirma que a falta de claridade nos intermediarios condiciona máis da metade das compras de viaxes por Internet. Así mesmo, e no caso das compañías aéreas, o 74% dos usuarios non confía nos intermediarios polo risco na xestión de incidencias, ou á hora de realizar cambios e cancelacións.
De todos xeitos, o 47% dos enquisados recoñece que realiza comparacións entre as páxinas do provedor principal e os intermediarios na xestión das súas viaxes.
Pode consultarse o estudo sobre compras online da Asociación de Internautas na seguinte ligazón:
http://www.internautas.org/archivos/Estudio_Compras_Online_2013.pdf
