A Sociedad General de Autores y Editores (SGAE) publica o Anuario 2013 das artes escénicas, musicais e audiovisuais.
A SGAE dedica un ano máis un capítulo cos principais indicadores TIC nos fogares e nas empresas das Comunidades Autónomas, no conxunto do Estado e na Unión Europea. O equipamento tecnolóxico e o tipo de actividades realizadas polos usuarios de Internet repercuten directamente no consumo de contidos dixitais nas industrias culturais.
O Anuario destaca o incremento do equipamento tecnolóxico nos fogares, onde a telefonía móbil (smartphone) e o uso de tablets (tipo Ipad) presentan un incremento interanual superior aos 15 puntos porcentuais no período 2011 – 2012.
En Galicia a evolución da porcentaxe de usuarios de Internet foi positiva nos últimos tres anos, pero o seu crecemento foi inferior á media estatal, acadando o 51% no 2012 fronte ao 49,7% de 2010. Así mesmo, o nivel de penetración estaría 10 puntos por debaixo da media estatal neste indicador segundo fontes da AIMC para o ano 2012.
No tocante ás actividades realizadas en Internet no conxunto do Estado durante os tres últimos anos, a SGAE remítese aos datos da Fundación Telefónica que estiman un incremento xeral en todos os indicadores.
Un 67% dos enquisados recoñece que visualiza vídeos en Internet, un 66,6% escoita música e o 67,7% visualiza e comparte fotografías na Rede, principalmente a través das redes sociais.
Os maiores incrementos no consumo de contidos dixitais nos tres últimos anos rexistrouse na lectura de libros e a prensa, que pasaron do 11% ao 40,3% e do 24% ao 59,3% respectivamente no período 2010 - 2012.
Pode consultarse o Anuario 2013 na seguinte ligazón:
http://www.anuariossgae.com/anuario2013/frames.html
