A Comisión del Mercado de las Telecomunicaciones (CMT) estima que durante o ano 2011 as compras realizadas por Internet mediante tarxeta de crédito ascenderon a 9.201 millóns de euros. O crecemento interanual en relación ao 2010 situouse no 25,7% e no 60% en relación ao 2009, o que confirma a evolución positiva do volume de negocio xerado a través do comercio electrónico a pesar da recesión económica.
A CMT considera que o número de transaccións acadou un novo máximo histórico, con 36,9 millóns de operacións no cuarto trimestre de 2011. Durante todo o ano realizáronse un total de 131 millóns de compras por Internet no conxunto do Estado, o que supón un crecemento interanual do 30,9% en relación ao 2010.
As axencias de viaxes e o transporte aéreo ocuparon o primeiro e segundo posto respectivamente no ranking de ramas por volume de negocio, sumando o 26,5% da facturación total do comercio electrónico en España.
Poden consultarse os informes trimestrais na seguinte ligazón:
