The Broadband Commission for Digital Development presenta o seu primeiro estudo internacional sobre o nivel de penetración e o impacto económico/social da banda larga, titulado “The state of broadband 2012: Achieving digital inclusion for all”.
O estudo destaca o crecemento do acceso individual a Internet a través das redes de banda larga, especialmente da telefonía móbil. Os datos aportados pola ITU e a UNESCO indican que o nivel de penetración de Internet superou no ano 2011 o 50% da poboación en 60 países, nun total de 177 países analizados. En termos xerais, un de cada tres habitantes do planeta é usuario de Internet (o 32,5%).
España situouse no posto número 39 da listaxe no uso individual de Internet no ano 2011, cun nivel de penetración do 67,6%. A contratación de banda larga fixa acadou o 23,5% e a móbil no 40,9% no conxunto do Estado neste mesmo ano.
Pode consultarse o estudo na seguinte ligazón
