EUROSTAT publica novos datos sobre o comercio electrónico na Unión Europea, correspondentes ao ano 2012.
Un 75% dos cidadáns europeos con idades comprendidas entre os 16 e os 74 anos utilizaron Internet nos últimos doce meses, dos cales un 59% adquiriron bens ou servizos na Rede.
A media española neste indicador comercial sitúase no 43%, o que supón 16 puntos menos que a media europea, pero incrementa en termos xerais no período 2008 – 2012.
A compra de roupa e equipamento deportivo incrementou 8 puntos porcentuais nos últimos catro anos, pasando do 6% ao 14% dos usuarios de Internet no conxunto do Estado. Este mesmo incremento rexistrouse na reserva de viaxes e aloxamento, realizado polo 28% dos usuarios enquisados no 2012, fronte ao 20% do 2008.
O uso do comercio electrónico para a adquisición de produtos de alimentación e comestibles en Internet representa a porcentaxe de consumo máis baixa, ao non superar o 6% da media española e o 9% da media europea no 2012.
Poden consultarse estes e outros datos na web de EUROSTAT: http://epp.eurostat.ec.europa.eu/portal/page/portal/eurostat/home/
