A entidade independente Open Knowledge Foundation ven de publicar o seu Open Data Index 2014, balance que mostra o estado en materia de datos abertos de máis de noventa países en todo el mundo e no que se miden os esforzos de apertura da información. Así o índice evalúa o nivel de disponibilidade e accesibilidade da información en dez categorías principais como: gastos gubernamentais, resultados eleccións, horarios de transporte e niveis de contaminación medioambiental.
O índice revela que, aínda que se ten progresado de forma notable, lamentablemente a maioría de gobernos non ofrecen en aberto moita da información de gran relevancia para a cidadanía ea s empresas. Este feito supón un lastre para o sector open data, que segundo as estimacións da compañía McKinsey & Co, pode ofrecer un beneficio potencial de 3 billóns de dólares anuais.
O ranking está liderado un ano máis polo Reino Unido, cunha puntuación total do 96%, seguido por Dinamarca e Francia. España obtivo unha calificación do 52%, superando en seis puntos a nota do exercicio anterior.
Un dato favorable é o incremento no número de conxuntos de datos abertos, catorce máis que no 2013 para chegar a 101 en total. En calquera caso, a porcentaxe de conxuntos abertos nos países enquisados segue sendo moi baixo, só o 11% do total.
Ademais, a iniciativa mostra mapas globais do sector open data, identificando os niveis de desenvolvemento de cada un dos países en cada unha das áreas temáticas, segundo unha táboa de cores.
