Os principais resultados do estudo elaborado polo ONTSI indican que o gasto total en servizos TIC nos fogares españois entre outubro e decembro de 2011 acadou os 3.313 millóns de euros, un 1,5% inferior ao mesmo período de 2010. A maior parte do gasto nos fogares corresponde ao servizo de telefonía móbil (44,5%), o 27,7% corresponde a telefonía fixa, o 19% ao acceso na Internet e o 8,8% restante á televisión de pago.
Nos catro servizos analizados polo ONTSI identifícase que o gasto en telefonía móbil e fixa descenden interanualmente nun 2,6% e un 3,5% respectivamente. Pola contra, o gasto en servizos de televisión de pago aumenta un 5,4% e os servizos de internet un 1,5%.
De forma complementaria, o estudo presenta os indicadores correspondentes ás actitudes fronte ás novas tecnoloxías e o equipamento TIC, a pirámide de servizos TIC e os servizos empaquetados dos que dispoñen os fogares.
Para máis información:
http://www.ontsi.red.es/ontsi/sites/default/files/xxxiv_oleada_del_panel_de_hogares.pdf
