A Broadband Commission for Digital Development publica un manifesto internacional que defende a necesidade de buscar un maior equilibrio territorial na expansión das conexións de Banda Larga.
O manifesto recolle un compromiso global, perante a necesidade de facilitar a accesibilidade a Internet e reducir o prezo das conexións de Banda Larga, para fomentar o crecemento sostible e a igualdade de oportunidades.
Os informes elaborados pola Unión Internacional de Telecomunicacións (UIT) consideran que no período 2008 – 2012 reducíronse un 82% os prezos de conexión a través da Banda Larga, pero esta rebaixa afectou principalmente aos países desenvolvidos.
Como xa avanzou este organismo internacional, o prezo da conexión a Internet nos países pobres duplica e mesmo triplica a renda mensual media dos seus habitantes, o que impide dispor deste servizo catalizador do crecemento económico.
O obxectivo establecido neste manifesto afonda na necesidade de reducir o custo do servizo básico de Banda Larga, que debería ser inferior ao 5% da renda mensual media establecido en 2011 (Target 2) no horizonte 2015.
Pode descargarse o manifesto na seguinte ligazón:
http://www.broadbandcommission.org/Documents/working-groups/BBComm-ManifestoNames.pdf
