Os datos achegados pola Unión Europea, no marco da Axenda Dixital para Europa e do obxectivo “Broadbrand for all” para o ano 2013, recoñecen que a cobertura de banda larga fixa acada o 96,1% e a móbil o 99,4% da poboación europea.
A cobertura a través de conexións vía satélite está dispoñible para a totalidade da poboación da Unión Europea.
En Galicia estímase, segundo fontes do Plan de Banda Larga, que o nivel de cobertura supera o 97% da poboación a través de redes fixas e móbiles, en consonancia coa media estatal, situada no 98%.
A Axenda Dixital para Europa establece, de cara ao ano 2020, que toda a poboación europea poida ter cobertura de banda larga rápida superior a 30 Mbps.
Pode consultarse o mapa europeo de cobertura de Banda Larga na seguinte ligazón: http://www.broadbandforall.eu/
