A Asociación de Empresas de Electrónica, Tecnoloxías da Información, Telecomunicacións e Contidos Dixitais (AMETIC) fixo público onte que o mercado de terminais móbiles rexistrado en 2011 en España, que ascendeu a 20 millóns, un 10 por cen menos respecto ao mesmo exercicio do ano anterior.
Do mercado total de terminais móbiles, uns 9,8 millóns corresponden aos denominados teléfonos intelixentes (smart-phones), un 49% do total mentres que en 2010 representaron o 31 por cen das vendas totais. Así, o parque actual de smart-phones en España estímase nos 18 millóns de unidades, cun crecemento do 30% desde o ano 2010.
Segundo datos que manexa AMETIC, o volume de vendas mundiais de terminais móbiles ascendeu a 488 millóns, dos que un 63% foron “intelixentes”.
Estes datos reflicten o comportamento experimentado en España durante o ano 2011 marcado por un contexto de crise económica e o inicio do descenso das subvencións aos operadores móbiles. Igualmente, durante o pasado exercicio irromperon novos dispositivos 'tablet' con tecnoloxía 3G e os 'tabphone' (híbridos entre 'tablets' e teléfonos) cuxa evolución comezará a ser representativa a partir do presente exercicio.
Para AMETIC, a caída do mercado de terminais móbiles coincide, en todo caso, cun nivel de renovación entre os máis altos de Europa, que, superando o 40% do parque existente no pasado, caeu até un 37% en 2011; a quinta posición na UE. O estado español ten dun dos parques de telefonía móbil máis avanzados do mundo.
Por outra banda, AMETIC lembra que durante o pasado exercicio estiveron dadas de alta un total de 51, 6 millóns de liñas móbiles, das que 31,5 millóns estaban asociadas a contratos e 20,1 millóns a prepagamento. Ademais, o 89% dos propietarios tiñan un terminal móbil activo e un 11% máis dun.
